Onlayn tədris və imtahanlar

2020-ci ilin əvvəlindən etibarət bütün dünyada öz təsirini göstərən koronavirus pandemiyası təhsil sahəsində də ciddi miqyasda dəyişikliklərə səbəb olmuşdur. Artıq nəyin ki tədris, imtahanlar belə onlayn formada keçirilir. Onlayn sınaq imtahanı noutbuk və masaüstü komputerlər vasitəsilə keçirilir. İmtahan və testlər tələbələrə müxtəlif fənlər üzrə öz biliklərini obyektiv qiymətləndirməyə imkan verir. Bir çox məktəblər, kolleclər, universitetlər, tədris kursları və s. onlyn imtahan formatından geniş şəkildə faydalanır.

Bu sistemlərin ən əsas önəmli üstünlüyü ondan ibarətdir ki, kağızdan istifadəni minimuma endirir və imtahandan dərhal sonra həmin an nəticəni əldə etmək mümkün olur. Məktəblər, universitetlər və s. kimi digər təhsil müəssisələrində kitab və jurnal kimi kağızdan hazırlanan vasitələrdən olduqca geniş istifadə edilir. Şüphəsiz ki, kağız sənədlərin, vəsaitlərin istifadəsini onlayn sistemə keçirməklə kəskin şəkildə azaltmaq mümkündür.

Kağız istifadəsini minimuma endirmək, ağac kəsilməsini minimuma endirmək deməkdir, bu isə təbiət və insanlıq üçün olduqca mühüm və əhəmiyyətli amildir. Unutmayaq ki, ağaclar planetimizin oksigen mənbəyidir. Hal-hazırda isə bu istiqamətdə, yəni onlayn formada sınaq imtahanlarının təşkilində, Azərbaycanda fəaliyyət göstərən ən böyük platformalardan biri "Oxuyan.az" onlayn test və sınaq imtahanı platformasıdır.

 

Oxuyan.az nədir?

"Oxuyan.az" saytı və mobil tətbiqləri onlayn sınaq imtahanları, yarışlar, müsabiqələr, pulsuz testlər, bilik yarışı, intelektual oyunlar və online test bazası olan təhsil platformasıdır. Şagird, tələbə, abituriyent, müəllim, magistrlar, dövlət işçiləri və digərləri portalda sınaq imtahanları vermək imkanına malikdirlər. İstədiyiniz mövzunu seçərək bilik səviyyənizi ölçmək mümkündür.

Rəqəmsal formada qiymətləndirmə imtahanın dəqiqliyini və düzgünlüyünü artırır, müəllimlərin imtahan nəticələrini daha sürətli və operativ, ən asası minimum səy və minimum vaxt sərf edərək təqdim etmələrini asanlaşdırır. E-poçt və bildirişlər vasitəsilə imtahanlar və dəyişikliklər haqqında məlumat göndərilir. Canlı yarışlar və müsabiqələr keçirilir ki, istifadəçilər qoşularaq yarışda iştirak edirlər. Mobil vasitələrdən istifadə edərək olduğunuz yerdən qoşulmaq da mümkündür. Fiziki olaraq imtahana qatılmağa ehtiyac qalmır, olduğunuz yerdən rahatlıqla onlayn imtahana qoşulmaq mümkündür.

Saytda ibtidai sinif, orta məktəb, abituriyent, magistratura qəbul, MİQ, dövlət qulluğu, bilik yarışı, sürücülük, xarici imtahanlar və s. üzrə sınaq, imtahan vermək mümkündür.

Oxuyan onlayn sınaq imtahanı platformasını fərqləndirən ən böyük özəllikərdən biri veb-saytın olduqca rahat interfeysə sahib olmalarıdır. Bu da, məktəblilərdən tutmuş böyüklərə qədər hər kəsin istifadəsinə uyğundur. Əlavə olaraq, əksəriyyət insanların mobil telefona verdiyi üstünlüyü nəzərə alaraq “Oxuyan.az” saytı öz mobil tətbiqini də istifadəyə verib. Artıq olduğunuz yerdən istənilən onlayn sınaq imtahanında ödənişli və ya ödənişsiz iştirak etmək mümkündür, çünki burada pulsuz testlər də mövcuddur. Ən gözəli isə onlayn sınaq imtahanının nəticələrini dərhal görməyinizdir.

"Oxuyan.az" platforması həm imtahan təşkil etmək istəyən, həm də onlayn imtahanlarda iştirak etmək istəyən üçün mükəmməl vasitədir.

 

“Oxuyan.az” necə işləyir?

İmtahanda iştirak üçün aşağıdakı sadə addımları etmək lazımdır :

  1. Qeydiyyatdan keçin və hesab yaradın;
  2. İstədiyiniz mövzuda imtahan seçin və qaydalar ilə tanış olduqdan sonra onlayn imtahan verin;

İmtahan bitdikdən sonra nəticəni dərhal görürsünüz, həmin imtahanda neçə düzgün, neçə yalnış və neçə cavabsız sualınız olduğu görünür və sizə həmin sualların şərtləri, düzgün cavabları qeyd edilir. Məhz bunlar da sizə zəif olduğunuz mövzuları bilməyə və üzərində daha çox çalışmağa kömək edir.

Hazırlıq kursları, fərdi, orta məktəb və s. müəllimləri, şirkətlər üçün imtahan təşkili üçün aşağıdakı addımları etmək lazımdır:

  1. Qeydiyyatdan keçin ;
  2. Qurum yaradın – həm müəllimlər, həm də hazırlıq kursları və şirkətlər onlayn sınaq imtahanı yaratmaq üçün “Oxuyan.az” platformasında qurum hesabı yaratmalıdır;
  3. İmtahan qurun – “Oxuyan.az” saytı daxilində qurum yaratmış hər bir istifadəçiyə xüsusi idarə paneli interfeysi verilir və istifadəçilər rahatlıqla burada istənilən saytda və istənilən tip sualları yaza bilər və imtahanlar yaradıb, təşkil edə bilərlər;
  4. İmtahanı hazırladıqdan sonra onu “Oxuyan.az” platformasının istifadəçiləri ilə paylaşmaq lazımdır.

Yaratdığınız istənilən imtahanı  “Gizli” ( yəni, yalnız kod ilə daxil olmaq mümkündür) və ya  “İctimai” ( hər kəs üçün görünə bilər) formada paylaşmağınız mümkündür.

 

Qiymət siyasəti necədir?

“Oxuyan.az” onlayn sınaq imtahanı platforması onlayn testlər yaratmaq və yarışmalar təşkil etmək üçün istifadəçilərinə bir neçə paket təqdim edir.

İndividual olaraq imtahan yaratmaq istəyən şəxslər, müəllimlər, kurslar və istifadəçiləri üçün Oxuyan onlayn sınaq imtahanı platforması ödənişli imtahanlar təşkil edib onlardan gəlir qazanmaq imkanı təklif edir. Oxuyan platforması təşkil olunan ödənişli imtahanların gəlirindən 80-92%-ə qədərini imtahanı təşkil edən tərəfə ötürür. Bu, xüsusilə individual müəllimlər üçün passiv gəlir mənbəyi, böyük kurslar və qurumlar üçün isə geniş miqyaslı onlayn müsabiqələr keçirərək öz kütlələrini artırmaq və ümumi gəlir əldə etmək vasitəsidir.

 

Bundan əlavə olaraq Oxuyan platforması biznes müştərilərinə B2B həllər təklif edir. Bu həllərdən biri daxili onlayn imtahan sistemidir. Bu sistem vasitilə istənilən qurum və ya hazırlıq kursu öz daxili bilik ölçmə sistemini qura bilərlər. Onlar tələbələri, şagirdləri və ya əməkdaşları üçün çoxsaylı imtahanlar, onlayn testlər, müsahibələr, yazılı inşa tipli imtahanlar təşkil edib onların hər hansı mövzu haqqındakı bilikləri haqqında çox ətraflı statistik məlumat əldə edə bilərlər. Beləliklə, əldə etmək üçün müştəri hər-istidəçi-üçün-ödəniş (pay-per-user) metodu ilə bu sistemi öz şirkəti, qurumu, məktəbi və ya təşkilatı daxilində quraşdıra bilər.

 

“Oxuyan.az” platformasının gizli imtahan funksionallığı vasitəsi ilə siz yaratdığınız müsahibə imtahanını gizli formada dərc edib, yalnız istədiyiniz insanlarla paylaşım edə bilərsiniz.

 

Bilik yarışı

“Oxuyan”platformasında yalnız online sınaq imtahanları deyil, “Bilik yarışı” da təşkil edilir. Siz “Bilik yarışı”na qatılmaqla öz biliklərinizi müxtəlif sahə, mövzu, fənlər üzrə imtahan verib, yoxlaya bilərsiniz. Bu yarışda iştirak edənlər yüksək rəqabət şəraitində və ən qısa zaman ərzində digər rəqiblərindən daha çox düzgün cavab təqdim edərək, qalib gəlmək istəyir. Rəqabət mühitində, reytinq sıralaması ilə yer tutmaqla və xallar toplamaqla uğura imza atacaqsınız.

 

“Oxuyan.az” rəqəmsallaşan dünyada kağızdan istifadəni minimuma endirmək və təhsil sistemində operativ, sürətli, dəqiq imtahanların təşkili və istifadəsi üçün olduqca əlverişli platformadır. Ən qısa zamanda bu platforma yerli məhsul olaraq yalnız Azərbaycanda deyil, Avropa və digər xarici bazarlarda da fəaliyyət göstərəcəkdir.

 

Əvvəlki

Ev elanları